រឿងអាក្រក់ៗក្នុងជីវិត​ទីបំផុតវាក៏នឹងកន្លងហួសទៅ។រឿងដែលធ្វើឲ្យយើងកើតទុក្ខស្មុគស្មាញក្នុងចិត្ត​ភាគច្រើនតែង កើតចេញពីក្តីវិតក្កកង្វល់។​ដើមហេតុដែលធ្វើមិនឲ្យមានក្តីសុខហើយរស់នៅយ៉ាងកើតទុក្ខស្មុគស្មាញចិត្តនេះ​គឺការវិតក្ក

កង្វល់ជាមួយនឹងរឿងដែលមិនទាន់កើតឡើងគ្រប់ពេលវេលា។ ខ្ញុំចង់ឲ្យអត្ថន័យរបស់ពាក្យថា"វិតក្ក" គឺការគិតនឹក

ជាទុក្ខ​គិតខ្លាចក្រែងមុនកើតហេតុកាណ៍នោះៗ​ដូចជាខ្លាចក្រែងទៅដល់បន្ទប់ប្រឡងមិនទាន់ពេលវេលាជាដើម។​

ចំណែកពាក្យថា"កង្វល់"បានដល់ភាពមិនសប្បាយចិត្តព្រោះតែគិតខ្លាចជាមុនមានសំនួនខ្មែរយើង

ថា"តឹងមុនទាញ"ដូចជាខ្លាចថាខ្លួនឯងនឹងធ្វើវិញ្ញាសាប្រឡងមិនបានល្អជាដើម។

ក្តីវិតក្កហើយនឹងការកង្វល់ទើបជាភាវ:របស់ចិត្តដែលគិតវិលទៅវិលមក​សាំហើយសាំទៀតដដែលៗមិនចេះចប់

វិលវង់នៅជាមួយអតីត​បច្ចុប្បន្ន​ហើយនឹងអនាគតក្នុងរឿងផ្សេងៗ​មិនថាការរៀនសូត្រ​រឿងការងារ​ក្តីព្រាត់ប្រាស់

ការឈឹចាប់គ្រុនរងារ​ហើយសូម្បីនឹងរឿងស្នេហា។ តាមការពិត​ផលការវិច័យរបស់អ្នកចិត្តវិទ្យាបានសរុបទុកថា​

ជាង​40%​របស់រឿងដែលវិតក្កឬកង្វល់នោះ​ច្រើនមិនដែលកើតមានឡើយ​30%​ជារឿងដែលធ្លាប់កើតមានហើយ​12%​

ជាការវិតក្កកង្វល់ជាមួយនឹងសុខភាពដែលគ្មានអ្វីអះអាងហើយនឹងការខ្លាចទៅខ្លួនឯង​12%​ទៀតជារឿងរបស់អារម្មណ៍

ដែលស្មុគស្មាញបន្តិចបន្តួច​ដែលនៅសល់ពិតប្រាកដនោះមានត្រឹម​8%​ប៉ុណ្ណោះដែលមានផលចំពោះជីវិតដែលយើង

គិតកង្វល់នោះ។​

ដូច្េនះបានន័យថា​92%​នៃហេតុការណ៍ដែលកើតឡើងហើយធ្វើឲ្យវិតក្កកង្វល់នោះ​មិនមានផលប៉ះពាល់ដល់ជីវិតយើង

ឡើយ​ធ្វើឲ្យខូចឋាមពល​ខូចពេលវេលានិង​ខូចអារម្មណ៍ទទេៗ។ ខ្ញុំសូមលើកតួយ៉ាងក្នុងរឿងវិតក្កកង្វល់នេះដើម្បីឲ្យ

ឃើញជារូបធម៌ដូច្នេះ-​ក្តីវិតក្កនិងក្តីកង្វល់នេះប្រៀបដូចការបញ្ឆេះរថយន្តចោលក្នុងរោងរថយន្តពីពេលល្ងាច​លុះភ្ញាក់

ឡើងពេលព្រឹក​រថយន្តក៏នៅនឹងកន្លែងដើមមិនទៅដល់ណាឡើយ​តែក្នុងរោងរថយន្តពេញទៅដោយផ្សែងហើយនឹង

ចំហាយពុល​ខូចទាំងសុខភាពហើយនឹងអស់ប្រេងសាំងដោយឥតប្រយោជន៍ដូចសំនួនបរទេសពោលថាះ-​

"Worrying is like a rocking chair, it gives you something to do but it doesn’t

get you anywhere."គេប្រៀបក្តីវិតក្កកង្វល់ដូចជាកៅអីយោគ​វាជួយឲ្យយើងមានអ្វីម្យ៉ាងធ្វើតែវាមិនបាន

ជួយឲ្យយើងទៅដល់ទីណាឆ្ងាយឡើយ។

សរុបសេចក្តីមកក្តីវិតក្កហើយនឹងការកង្វល់ចិត្តនេះមានតែខូចខាត​គឺខូចអារម្មណ៍​ខាតពេលវេលាដោយឥតប្រយោជន៍

ទោះបីមានរឿងឲ្យយើងធ្វើក៏ដោយ​តែវាមិនបានធ្វើឲ្យជីវិតនេះប្រសើរឡើងឡើយមានតែធ្វើឲ្យជីវិតរឹតធ្លាក់ដុនដាប

ថែមទៀតធ្វើឲ្យខូចកំលាំងកាយ​និង​កំលាំងចិត្តក្នុងការប្រកបការងារ។ ប្រសិនបើឈប់វិតក្កកង្វល់បាន​ពេលដេកក៏លក់

ស្រួល​គំនិតក៏ភ្លឺថ្លាស្រស់បស់រាង្គកាយក៏ក្រឆាប់ក្រឆេងរហ័សរហួន​ជីវិតពេលព្រឹកព្រលឹមក៏ស្រស់ថ្លាផងដែរដើម្បីបន្ថែម

ភាពស្រស់បស់មានជីវិតជីវ៉ាឲ្យដល់ជីវិតយើង​ត្រូវកាត់បន្ថយការវិតក្កកង្វល់តាំងពីពេលនេះឲ្យហើយទៅ។